Director Sasi’s ‘ Nooru Kodi Vanavil ‘ streaming in Zee5 OTT Platform

27

Director Sasi’s ‘ Nooru Kodi Vanavil ‘ streaming in Zee5 OTT Platform

‘ரோஜா கூட்டம்’, ‘ பூ’, ‘பிச்சைக்காரன்’, ‘நூறு சாமி’ படங்களை இயக்கிய சசி இயக்கத்தில் இப்போது Zee5 OTT தளத்தில் Streaming ஆகிஇருக்கிறது ‘நூறுகோடி வானவில்’. ஹரிஷ் கல்யாண், சித்தி இத்னானி, கோவை சரளா, தம்பி ராமய்யா, சின்னி ஜெயந்த், சம்பத், ரினில், VJபார்வதி நடித்திருக்கிறார்கள். சித்துக்குமார் இசையமைத்திருக்கிறார். பிரசன்னகுமார் ஒளிப்பதிவும், சுபராக் எடிட்டிங் செய்திருக்கின்றனர். பாலாஜி சுப்பா, அருண் அருணாச்சலம் தயாரித்திருக்கும் இப்படத்தை Zee5 OTT தளம் ஸ்ட்ரீமிங் செய்து இருக்கிறது. படத்தின் கதை என்னன்னு பார்த்தீங்கன்னா, மும்பையில் உள்ள தனியார் தொலைக்காட்சி நிறுவனத்தில் வேலை பார்க்கும் லட்சிய வெறியடைய இளைஞன் ஹீரோ ஹரீஷ் கல்யாண். அவனுக்கு பதவி உயர்வும், கோவாவுக்கு சென்று பணிபுரியும் வாய்ப்பும் அமைகிறது. ஹீரோயின் சித்தி இத்னானி கோவாவை சேர்ந்தவராக வருகிறார். அவரது காதலன் விபத்து ஒன்றில் சிக்கி கோமாநிலையில் சிகிச்சை பெற்று வருகிறார். தனது காதலன் ரிச்சியை எப்படியாவது காப்பாற்றுவதற்காக போராடி வருகிறார் சித்தி இத்னானி, காதலன் மீண்டு வருவான் என்ற நம்பிக்கையில். தனது தினசரி நிகழ்வுகளை வீடியோவாக பதிவிட்டு வருகிறார். அதன் மூலம் ஏராளமான Viewers-க்கு நன்கு பரிச்சயமானவராக இருக்கிறார். கோவாவில் வினோத்திற்கும், ஃபென்னிக்கும் இடையே மோதலில் ஆரம்பிக்கிறது. பிறகு அடிக்கடி சந்திக்கும் வாய்ப்பினால் நட்பாகிறார்கள். ஃபென்னியின் வாழ்க்கையை மையமாக வைத்து ஒரு தொலைக்காட்சித் தொடர் நிகழ்ச்சியை உருவாக்கி நடத்துகிறான் வினோத். அவள் காதலன் கோமாவில் இருந்து மீண்டு வருவதற்காக அந்த நிகழ்ச்சியில் நடிக்க ஒப்புக்கொண்டு செய்து வருகிறாள் ஃபென்னி. ஆனால் ஃபென்னியின் மீது காதல் வயப்பட்டு விடுகிறான் வினோத். அதன் பிறகு நடக்கும் மனப் போராட்டம்… என்ன ஆனது அவளுடைய காதல்… கோமாவில் இருந்து காதலன் மீண்டானா… அப்படி மீண்டால் நிலைமை என்னவாகும்… என்பது மீதிக் கதையில் சொல்லப்பட்டு இருக்கு. படத்தின் ஆரம்பத்திலிருந்து இறுதிவரை உணர்ச்சிகளை கொட்டி நடிக்கும் வாய்ப்பு சித்தி இத்னானிக்கு. சிறப்பாக செய்திருக்கிறார். ஹரிஷ் கல்யாணி ன் நிகழ்ச்சிகளுக்கு ஒளிப்பதிவு செய்யும் கேமரா உமனாக VJ பார்வதி நடித்திருக்கிறார். காமெடியில் கோவை சரளா, மதுமிதாவுக்கு பிறகு வேறு காமெடி நடிகை இல்லையே என்ற குறைய தீர்க்கும் விதத்தில் வி.ஜே பார்வதியின் நடிப்பு இருக்கிறது. சந்தானம், யோகி பாபு பாணியில் அவர் அடிக்கும் கவுண்டர் டயலாக்ஸுக்கு தியேட்டரில் கலகலப்பு அலை அடிக்கிறது. சசியின் படங்களில் முந்தைய படங்களை ஒப்பிட்டுப் பார்க்கையில் ‘சசிபடமா இது..?’ என்று யோசிக்க வைக்கிறது. பழக்கப்பட்ட கதையாக இது இருந்த போதிலும் படத்தை உட்கார்ந்து பார்க்க வைப்பது பிரசன்னகுமாரின் ஒளிப்பதிவும், சித்துக்குமாரின் இசையும்தான். இந்த முக்கோண காதலில் எதிர்பார்த்த மாதிரியே கிளைமாக்ஸ்ஸும் இருப்பதால் அயற்சி ஏற்படுத்துகிறது
‘ நூறு கோடி வானவில் ‘.. நன்றி வணக்கம்…

Comments are closed.