சத்தியவான் சாவித்திரி – திரை விமர்சனம்
கீர்த்தி சுரேஷ் முதன்மை பாத்திரத்தில் நடித்து வெளிவந்திருக்கும் படம் ‘சத்தியவான் சாவித்திரி ‘. வக்கீலாக நடித்திருக்கிறார். வழக்கை மையமாகக் கொண்டு கோர்ட் சீன்ஸ் நிறைந்துள்ளது இந்த படம். கீர்த்தி சுரேஷ் மற்றும் மிஷ்கின் சாருகேஷ், பால சரவணன், ஷில்பா மஞ்சுநாத், பிரிகிடா சகா நடித்திருக்கும் இப்படத்தை பிரவீன் எஸ். விஜய் இயக்கியிருக்கிறார். ஜி ஸ்டூடியோ சார்பில் வெடிக்காரன்பட்டி எஸ். சக்திவேல் படத்தை தயாரித்திருக்கிறார்.
சாம் சி.எஸ். இந்த படத்துக்கு தகுந்த மாதிரி புதுசா இசையை தந்திருக்கிறார். இரண்டு பாடல்கள் நன்றாக உள்ளது. அருள் வின்சன்ட் ஒளிப்பதிவும், பிரசன்னா ஜி.கே எடிட்டிங்கும் செய்துள்ளனர். எமனிடமிருந்து போராடி கணவனை காப்பாற்றியவர், புராணக் கதையின் சாவித்திரி. அதை நினைத்துதான் படம் பார்க்கிறோம். அது மாதிரிதான் கதை தொடங்குகிறது. ஆனால், ஒரு ஸ்டேஜில் அதிலிருந்து வேறு ஒன்றாக கதை பயணித்து முடிகிறது.
படத்தின் கதை என்னன்னு பார்த்தீங்கன்னா, கோயம்புத்தூரில் வக்கீல் படிப்பு படித்த கீர்த்தி சுரேஷ், சென்னை ஐகோர்டில் பிரபல வழக்கறிஞராக இருக்கும் மார்க்கண்டேயன் மிஷ்கினிடம் உதவியாளராக பெரும் முயற்சி எடுத்துச் சேர்கிறார். பப்ளிக் ப்ராசிக்யூட்டர் மார்க்கண்டேயன் 18 வருடங்களாக எந்த கேஸிலும் தோல்வியை சந்திக்காதவர். திமிர் பிடித்தவர். நியாயம், அநியாயம் பார்க்க மாட்டார். தனது வெற்றிக்காக என்ன வேண்டுமா னாலும் செய்வார் என்பது கீர்த்தி சுரேஷுக்கு போகப் போக புரிந்துப் போகிறது.
கல்யாணத்துக்கு முன்பே, கீர்த்தி சுரேஷ் வேலைக்கு போகக்கூடாது என்பது வருங்கால மாமியாரின் விருப்பம். ஆனால் கணவர் தீபக்கை கன்வின்ஸ் பண்ணி வழக்கறிஞர் வேலைக்கு போகிறார், கீர்த்தி சுரேஷ். ‘என்னவெல்லாம் நினைத்தேன்… இப்படி இருக்குதே!’ என்று கீர்த்தி சுரேஷ் நொறுங்கிப்போகும் இடம், சரியான நடிப்பை தந்து கவருகிறார். கோர்ட் சீன், ஆர்க்யூமென்டால் படம் நிறைந்திருந்தாலும், அண்டர் கரண்டில் இதுவும் ஒரு சஸ்பென்ஸ், திரில்லர் ஆகத்தான் படத்தின் போக்கு இருக்கிறது.
கீர்த்தி சுரேஷுக்கு கணவராக வரும் புதுமுகம் சாருகேஷ் பொருத்தமாக இருக்கிறார். மிகை, குறை இல்லாமல் செய்திருக்கிறார். படத்தில் சின்ன சின்ன சுவாரஸ்யங்கள் அங்கங்கே ஏற்படுத்தி டைரக்டர் தன்னை நிரூபித்து இருக்கிறார். மிஷ்கினிடம் உதவியாளராக சேரும் கீர்த்தி சுரேஷ், மூன்றே மாதங்களில் ஒரு கேஸில் மிஷ்கினுக்கு எதிராகவே வழக்காடி ஜெயிப்பது சினிமாவில் மட்டுமே பாசிபிள் ஆன விஷயம். ஆனால், அதனால் அவமானப்படும் மிஷ்கின், கீர்த்தி சுரேஷ் அவமானப்படுத்தும் முயற்சிதான் படத்தின் கதை.
கீர்த்தி சுரேஷ், மிஷ்கின், சாருகேஷுக்கு அடுத்து படத்தில் அங்கங்கே கலகலப்பு ஏற்படுத்துகிறார் பால சரவணன்.
கோர்ட் காட்சிகளுக்கு கூட அவர் பின்னணி இசையமைத்து அசத்துகிறார் சாம் சி.எஸ்.
முதலுக்கு மோசம் இல்லாத படமாகவே தோன்றுகிறது சத்தியவான் சாவித்திரி. பணம் போட்டு தயாரித்த தயாரிப்பாளர்களுக்கும், இதன் மூலம் தனது கேரியர் உயராதா என்று எதிர்பார்க்கும் இதில் நடித்த நடிகர், நடிகைகளுக்கும், டெக்னீசியன்களுக்கும் பிராஃபிட் ஆன படமே சத்தியவான் சாவித்திரி
-ராமு சரவணன்