APPA KUTTY-MOVIE REVIEW

26

அப்பா குட்டி-திரை விமர்சனம்

மக்களோடு எப்போதும் Connectivity-யில் இருந்து கொண்டே இருப்பார் விஜய் ஆண்டனி. சவுண்ட் இன்ஜினியராக திரை உலக வாழ்க்கையை தொடங்கியவர், இசையமைப்பாளராகி, ஹீரோவாகி, தயாரிப்பாளராகவும் ஆகி, இயக்குனராகவும் ஆகி இருக்கிறார் ஏற்கனவே, பிச்சைக்காரன் 2 படத்தில். விஜய் ஆண்டனி ஹீரோவாக நடித்து, இசையமைத்து, எடிட்டிங் செய்து தயாரித்து தற்போது வெளிவந்திருக்கும் படம் ‘ அப்பா குட்டி ‘.

ஃபாத்திமா விஜய் ஆண்டனி தயாரிப்பில் மு. மாறன் எழுதி, இருக்கிறார். இவர் ஏற்கனவே ‘கண்ணை நம்பாதே’, ‘இரவுக்கு ஆயிரம் கண்கள்’ படங்களை இயக்கியவர். விஜய் ஆண்டனி ஹீரோவாக நடித்திருக்கும் இப்படத்தில் ‘அயோத்தி’ படத்தில் மிக சிறப்பாக நடித்திருந்த ப்ரீத்தி அஸ்ராணி ஹீரோயினாக நடித்திருக்கிறார். மற்றும் பேபி லிதன்யா, ஜென்சன் திவாகர், முருகானந்தம், அருவி மதன், பகவதி பெருமாள் பக்ஸ், முத்துக்குமார், விஜயன், ஹரிப்பிரியா இசை, ஹரிப்பிரியா, ஹரிதா, மூணார் ரமேஷ், லிஸ்ஸி ஆண்டனி, ஸ்ரீஜா ரவி,பிரவீனா, சித்ரா லட்சுமணன், குமார் நடராஜன், லொள்ளு சபா சுவாமிநாதன் நடித்திருக்கிறார்கள்.

படத்தின் Opening-லேயே கோயம்பேடு பஸ் ஸ்டாண்டில் கையில் ஒரு குழந்தையுடன் வரும் விஜய் ஆண்டனியை சில ரவுடிகள் தாக்க, அவர்களை எதிர்த்து சண்டை போட்டு அவர்களை விரட்டியடித்து விட்டு கைக்குழந்தையுடன் ஊட்டி செல்லும் பஸ்ஸில் ஏறி செல்கிறார். அங்கு ஷூட்டிங் கம்பெனியில் லொகேஷன் மனிதராக பணிபுரிகிறார்.

இதற்கிடையே குழந்தை பள்ளிக்கு போகும் வயது வர மகளை பள்ளியில் சேர்க்கிறார். அவரே குழந்தையை குளிப்பாட்டி, தலை வாரிவிட்டு, சாப்பாடு கொடுத்து ஸ்கூலுக்கு கொண்டு போய் விடுவது, அழைத்து வருவது எல்லாம் செய்கிறார். தனியாக வீடு எடுத்து அந்த சிறுமியுடன் இருக்கிறார். குழந்தை தியாவின் பள்ளிக்கூடத்து ஆசிரியை அனிதா (பிரீத்தி அஸ்ரானி) -க்கு குழந்தை மீது தனிக் கவனம். குழந்தையை ஸ்கூலில் டிராப் செய்து, அழைத்துப் போகும் சூர்யா (விஜய் ஆண்டனி) மீது ப்ரீத்திக்கு ஈர்ப்பு ஏற்படுகிறது. அம்மாவை பற்றி மகள் அப்பாவிடம் கேட்கும் போது ஒரு பெண்ணின் படத்தைக் காட்டி அம்மா சாமிகிட்ட போய்ட்டாங்க என்று சொல்லியே வளர்க்கிறார். அந்த ஃபோட்டோவில் இருந்த பெண்ணையும் நேரில் பார்க்கும் சூழல் ஒரு முறை ஏற்படுகிறது.

ஆக்சிடெண்டில் விஜய் ஆண்டனிக்கு அடிபட்டு ரெஸ்ட் எடுக்கும் போது, டீச்சர் அனிதா (பிரீத்திஅஸ்ராணி), அவரே சிறுமியை பள்ளியிலிருந்து வீட்டுக்கு கொண்டு வந்து விடுகிறார். சூர்யாவை திருமணம் செய்துக் கொள்ள விரும்புவதாக பிரீத்தி அஸ்ராணி சொன்னதும் மறுக்கிறார் விஜய் ஆண்டனி. குழந்தையின் அம்மாவைப் பற்றி பிரீத்தி கேட்கையில் நிராகரிக்கிறார். பிறகு குழந்தைக்கு உடல்நிலை ஆபத்து ஒருமுறை ஏற்பட, ப்ரீத்தியை மனைவியாக ஒப்புக்கொள்கிறார். இதற்கிடையே குழந்தைக்கு வினோத நோய். உண்மையில் அந்த குழந்தை யார்..? அதன் நோய் தீர்ந்ததா… என்பதெல்லாம் கதையின் முடிச்சு. அதைத் தொடர்ந்து எதிர்பாராத வண்ணம் பல கேரக்டர்ஸ் வந்துக் கொண்டே இருக்கிறது. விஜய் ஆண்டனிக்கு ‘பிச்சைக்காரன்’-க்குப் பிறகு இதுவும் ஒரு வெற்றி படம்தான். உருக்கமாக அருமையாக நடித்திருக்கிறார். குழந்தை லிதன்யா அற்புதமான நடிப்பு. பிரீத்தி அஸ்ராணி பொறுப்பான, பக்குவமான நடிப்பு. மற்ற அனைத்து கேரக்டர்களுமே, ஓரளவாவது Importance இருக்கும்படியாகத்தான் உள்ளது. படத்தின் கடைசி அரை மணி நேரம் கண்களை குளமாக்கும் விதத்தில் படம் போய், வெற்றிக்கு வழி வகுத்து விட்டது, ‘ அப்பா குட்டி ‘.
– ராமு சரவணா

Comments are closed.