வில்லனில் இருந்து மெது, மெதுவாக ஹீரோவாக ஆகி வரும் அர்ஜுன் தாஸ் நடிப்பில் இப்போது வந்திருக்கும் படம் ‘ஜான் டோ’. ‘வல்லமை தாராயோ’, ‘கொல கொலயா முந்திரிக்கா’, ‘ கேடி ‘ படங்களை இயக்கிய மதுமிதா இந்த சஸ்பென்ஸ், க்ரைம் திரில்லர் படத்தை இயக்கியிருக்கிறார்.
ஹீரோ அர்ஜுன் தாஸ் மற்றும் சஞ்சனா நடராஜன் ஜாரா வினித் சந்தோக் ( Compere அர்ச்சனாவின் மகள் இவர்) ஸ்ருஷ்டி, நீரவ், அனுபமா குமார், அர்ச்சனா சந்தோக், கார்த்திக் குமார், படவா கோபி நடித்திருக்கிறார்கள். ‘ பாகுபலி ‘ பட தயாரிப்பாளர்களின் ஒருவரான பிரசாத் தேவினேனி மற்றும் பிரபு யார்ல கட்டா தயாரித்திருக்கிறார்கள். முஜீத் மஜீத் இசை மற்றும் ‘ தி ஆர்டிஸ்ட் 404 ‘ கூடுதல் இசையும் அமைத்திருக்கின்றனர். ப்ரீத்தா ஜெயராமன் ஒளிப்பதிவும், விஜய் வெங்கட்ரமணன் எடிட்டிங் செய்துள்ளனர்.
படத்தின் துவக்கத்தில், ‘எதற்கும் உருப்படாதவன்’ என்று எப்போதும் அப்பா படவா கோபியிடம் திட்டுவாங்கிக் கொண்டே இருக்கும் ஹீரோ அர்ஜுன் தாஸ் லட்சியத்தோடு போலீஸ் எஸ்.ஐ ஆக, அவர் பணியின் நிமித்தம் கேரளா குறிஞ்சி மேடு பகுதியில் உள்ள போலீஸ் ஸ்டேஷனுக்கு பொறுப்பேற்கிறார். தாயை இழந்த ஜாரா தந்தையின் இரண்டாவது திருமணத்திற்கு பிறகு பிறந்த சிறுவன் ஹ்ருதய் தாயுடன் இந்தியாவுக்கு வருகின்றனர். அம்மா எவ்வளவுதான் அன்பாக இருந்தாலும், மகள் ஜாராவால் அவருடன் ஒத்துப் போக முடியவில்லை.
புதிதாக வந்திருக்கும் அந்தப் பகுதியில் இரவில் வெளியே செல்கிறாள் மகள். ஜாராவுடன் தம்பியை அழைத்துப் போக சொல்கிறார் அம்மா. ஐஸ்கிரீம் பார்லரில் சிறுவன் காணாமல் போய்விடுகிறான் அவனை அப்பார்ட்மெண்டில் உள்ள சிலர் மீது சந்தேகப்பட்டும், வழியில் பார்க்கும் பிச்சைக்காரனை பிடித்தும் விசாரிக்கின்றனர். பெரும் பதற்றம் அவர்களை தொற்றிக் கொள்கிறது.
அந்த சமயத்தில் அடையாளம் தெரியாத ஒருவரின் கொலை குற்றவாளியை கண்டுபிடிக்க, அதற்காகத்தான் அங்கு வந்திருக்கிறார் அர்ஜுன் தாஸ். அந்த குற்றவாளிக்கும் சிறுவன் ஹ்ருதய் காணாமல் போனதற்கும் தொடர்பு இருக்கிறது என்ற கோணத்தில் விசாரிக்கிறார். அந்த ஸ்டேஷன் எஸ்.ஐ ராவ் சஞ்சனா நடராஜனுக்கும், அர்ஜுன் தாஸுக்கும் முதலில் மோதல் பிறகு இருவரும் சேர்ந்து விசாரித்து உண்மை கண்டறிய பெரும் முயற்சி செய்கின்றனர்.
ஆனால் ஒரு கட்டத்தில் காணாமல் போன ஹ்ருதய் கிடைத்து விடுகிறான், நினைவு மறந்தவனாக. தன் பெயர் கேப்ரியல் என்று மாற்றி சொல்கிறான். பெண் இயக்குனர் இயக்கியிருந்தாலும் சஸ்பென்ஸுக்கு குறைவே இல்லாமல் காட்சிகள் அமைத்திருக்கிறார். அர்ஜுன் தாஸ் தன்னுடைய பேஸ் வாய்ஸால் கவர்ந்தவர், இன்ஸ்பெக்டராக ரொம்ப வெறுப்பு கட்டாமல் நெளிவு சுளிவோடு நடித்திருக்கிறார். எஸ்.ஐ சஞ்சனா நடராஜன், ஜாரா செமத்தியான நடிப்பு.
இவரா வில்லன் என்று மூக்கின் மேல் விரல் வைக்கும் அளவிற்கு இதில் ஒருத்தர் வில்லத்தனம் செய்திருக்கிறார். ஆனால் லாஜிக்காக, இதற்காகவா இத்தனை கொலைகள் என்று மனதில் கேள்வி எழாமல் இல்லை. விபத்தில் மாட்டி இருக்கும் மனைவி, மகள் விஷயத்தில் ஜெயபிரகாஷ் எடுக்க முடிவு ஏற்புடையதாக இல்லை. ஜான்டோ என்றால் அடையாளம் தெரியாத, அடையாளம் இல்லாத பேஷண்ட் என்று அர்த்தமாம்.
Comments are closed.