BLACK GOLD MOVIE REVIEW

56

 

‘ BLACK GOLD ‘ – திரை விமர்சனம்

‘ஃபிளாஷ் தியேட்டர் டி.வி நேயர்களுக்கு அன்பு வணக்கங்கள். Selected ஆக படங்களை பொறுக்கி எடுத்து நடித்துக் கொண்டிருக்கும் ஹீரோ வெற்றி நடித்திருக்கும் படம் ‘பிளாக் கோல்ட்’. அது என்ன ‘பிளாக் கோல்ட்’ என்கிற டைட்டில்… எதை குறிக்கிறது. நிலக்கரியையா, ஆயிலையா அல்லது மிளகையா என்றால், அது எல்லாம் இல்லை…

மனிதனின் தலை முடியை வைத்து உலகளாவிய அளவில் நடைபெறும் வியாபாரம். அதில் நடைபெறும் குற்றச்சம்பவங்களையும் இரண்டு மாபியா கும்பல்களின் தலைவன்ஸ். அவர்களுக்கு இடையே நடைபெறும் சண்டை.. மற்றும் நடுத்தர குடும்பத்து இளைஞனுக்கும், அவர்களுக்கும் இடையே நடக்கும் மோதல்.. இதை வைத்து எதிர்பாராத கதையின் போக்குடன் பின்னப்பட்டிருப்பது தான் ‘ பிளாக் கோல்ட் ‘ படத்தின் கதை.

வெற்றி கதாநாயகனாக நடித்திருக்கிறார். அவருக்கு ஜோடியாக பிரியாலயா மற்றும் லிவிங்ஸ்டன், அபிராமி வெங்கடாசலம், ஏ. வெங்கடேஷ், அருள் டி. சங்கர், வினோதினி வைத்தியநாதன், துளசி, ராமர் இவர்களுடன் தயாரிப்பாளர் எம். மூர்த்தி, இன்ஸ்பெக்டர் கேரக்டரில் நடித்திருக்கிறார். எம்.எம் ஸ்டுடியோ சார்பில் இப்படத்தை தயாரித்தும் இருக்கிறார்.

சத்யராஜ் நடித்த ‘தீர்ப்புகள் விற்கப்படும்’ படத்தை இயக்கியிருந்த தீரன் அருண்குமார் ‘பிளாக் கோல்டை’ எழுதி, இயக்கியிருக்கிறார். சந்தோஷ்குமார் வீராசாமி ஒளிப்பதிவு செய்ய, கவாஸ்கர் அவிநாஷ் இசையமைத்திருக்கிறார்.

நடுத்தர குடும்பத்து பொறுப்பான பையனாக, அம்மா துளசி, அப்பா லிவிங்ஸ்டன்,தங்கையுடன் வாழ்ந்து வரும் ஹீரோ வெற்றி ஐ.டியில் பணிபுரிகிறார். திருமண வயதில் இருக்கும் தங்கைக்கு திருமணம் செய்து வைக்க முயற்சியில் இருக்கிறார். அப்பா லிவிங்ஸ்டன் மாஃபியா கேங் தலைவன் ஏ வெங்கடேஷிடம் டிரைவராக வேலை பார்க்கிறார்.

இதற்கிடையே ஊருக்குள் வாழைப்பழ வியாபாரி போலவும், தலைமுடி வாங்குவதற்கும் வரும் ஒரு கோஷ்டி நோட்டமிட்டு, இரவில் வீடு புகுந்து கொள்ளையடித்து, கொலை செய்கிறார்கள் அந்த ஊரில். ஸ்மூத்தாக போய்க்கொண்டிருக்கும் வெற்றியின் ஃபேமிலியில் திடீரென்று, டிரைவராக வேலை பார்க்கும் அப்பா லிவிங்ஸ்டன் காணாமல் போகிறார். ஐந்து கோடி ரூபாய் தலை முடி சரக்கை திருடிக் கொண்டு எங்கேயோ போய்விட்டார் என்று பாஸ் ஏ. வெங்கடேஷ் ஒரு பக்கம் போலீசில் கம்பளைண்ட் கொடுத்துவிட்டு குடும்பத்தினரை டார்ச்சர் செய்கிறார்.

இன்னொரு தாதா அருள் டி. சங்கர் மீதும் சந்தேக பார்வை விழுகிறது. என்னதான் ஆனது என்பது கதை. பத்து வருடங்களுக்கு முன்பு வந்த கார்த்தி நடித்த படம் ஒன்றை ஞாபகப்படுத்துகிறது இந்த ஆக்ஷன் படம். வெற்றி ஜோடியாக வரும் பிரியாலயா அழகாக இருக்கிறார். பொறுப்பாக காதலன் வெற்றியை guide செய்கிறார். போலீஸ் இன்ஸ்பெக்டராக வரும் அபிராமி வெங்கடாசலத்திற்கு ஆக்ஷனுடன் கூடிய மெஜஸ்டிக் வேடம். நன்றாக செய்திருக்கிறார்.

படத்தில் ‘டிவிஸ்ட்’ இருக்கிறது. அந்த ‘டிவிஸ்ட்’ எந்த அளவிற்கு ரசிகர்களுக்கு ஆர்வத்தை ஏற்படுத்துமோ, அந்த அளவிற்கு தான் படத்தின் வெற்றியும் அமையும். இதில் வரும் ‘ட்விஸ்ட்’ குறைவான அளவில்தான் ஆர்வத்தை ஏற்படுத்துகிறது. நன்றி வணக்கம்..!
-ராமு சரவணா

Comments are closed.