‘ டைட்டானிக் ‘ திரை விமர்சனம்
உலகம் முழுவதும் ஓஹோவென்று ஓடிய இங்கிலீஷ் படம் ‘டைட்டானிக்’. அதன் அர்த்தம் கூட தெரியாமல் அந்த கதையில் இருந்த காதலுக்காகவே அதை அப்படி கொண்டாடினார்கள், நமது மக்கள். அந்த புகழ் பெற்ற டைட்டிலை தன் படத்திற்கு வைத்தால் ‘பப்ளிசிட்டி’யில் பாதி வேலை முடிந்தது.. என்று நினைத்தாரோ என்னவோ, இந்த தமிழ் படத்திற்கு ‘டைட்டானிக்’ டைட்டிலை வைத்து விட்டார் இயக்குநர் ஜானகிராமன்.
படத்தில் மீடியமான மூன்று ஹீரோக்கள்… கலையரசன், காளி வெங்கட், ராகவ் விஜய். மூன்றும் பேரும் அவரவருக்கென்று ஒரு கேரக்டரிசேஷனோடு இருக்கிறார்கள். ஒருவர் மாதிரி இன்னொருவர் கேரக்டர் படைக்கப்படவில்லை.
படத்தின் கதை என்னன்னு பார்த்தீங்கன்னா, சென்னை சென்ட்ரல் ஸ்டேஷனிலிருந்து பெங்களூர் கிளம்பும் எக்ஸ்பிரஸில் செகண்ட் கிளாஸ் பெர்த்தில் கலையரசன் டிராவல் செய்கிறார். ஃபர்ஸ்ட் கிளாஸில் இடம் கிடைக்கல அதனால் செகண்ட் கிளாஸில் வர்றேன்.. என்று அடிக்கடி அலட்டலோடு சொல்லிக் கொள்ளும் ராகவிஜய். அந்த பெட்டியிலேயே கிராமத்து மனிதர் காளி வெங்கட்டும், கலையரசன் மூன்று பேரும் ஒன்றாக பயணம் செய்யக்கூடிய சூழல். ஒருவருக்கொருவர் பேசிக் கொள்கின்றனர்.
ராகவ் விஜய்க்கு நாளை பெங்களூரில் திருமணம். இன்று மாலை 7 மணிக்கு ரிசப்ஷன். ஆறு மணிக்குத்தான் அங்கு போய் சேருவார். காளி வெங்கட், தன் பள்ளியில் ஃபெயிலாகி பெயிலாகி படிக்கும் போது ஜூனியர் கயல் ஆனந்தியை காதலிக்கிறார். அவரும் காதலிப்பதுப் போல தோன்றினாலும், டாட்டா காண்பித்து விட்டு போய்விடுகிறார். அப்பா சொல் பேச்சு கேட்டு மதுமிதாவை கல்யாணம் செய்து கொள்கிறார் காளி வெங்கட். தெரியாத் தனமாக அவரிடம் தனது பழைய லவ்வை சொல்லிவிட, குடும்பத்தில் சண்டையே அதை குத்தி காட்டி பேசுவதில் அடிக்கடி ஏற்படுகிறது, மதுமிதாவுக்கும்-காளி வெங்கட்டுக்கும். கோபித்துக் கொண்டு போன மனைவி மதுமிதாவை அழைக்கத்தான் பெங்களூர் சொல்கிறார் காளி வெங்கட்.
கலையரசன், தனது கல்லூரி காதலை சொல்கிறார். கல்லூரியில் அவன் காதலிக்கும் பெண். அவளுக்கு பாய் பிரண்ட்ஸ் அதிகம் என்பதாலேயே பிரச்சினை..பிரிவு. அத்துடன் தனது தங்கைகளுக்கு கல்யாணம் செய்து வைத்த பிறகுதான் நமது திருமணம் என்று கலையரசன் சொன்னதை அவள் ஏற்றுக்கொள்ளவில்லை.
ஆபீஸில் ஒரு பெண்ணுடன் காதல், பிறகு பிரிவு. இப்போது பெற்றோர் பார்த்த பெண்ணை கல்யாணம் செய்ய பெங்களூர் போகிறான் ராகவ் விஜய். பெங்களூரில் தனது ரிசெப்ஷனுக்கு அட்டென்ட் பண்ண கலையரசனையும், காளி வெங்கட்டையும் அழைக்கிறான் ராகவ் விஜய்.
ரிசப்ஷனுக்கு சென்ற கலையரசன், காளி வெங்கட்டுக்கு ஷாக். அங்கு இருவருமே தங்கள் காதலிகளை சந்திக்கின்றனர். யார்… யாராக என்பதில் தான் சுவாரஸ்யம். கலையரசனுக்கு மனைவி கிடைக்கிறார். அவர் யார்… இதையெல்லாம் முடிச்சு போட்டு பார்த்தால், இன்ட்ரஸ்டிங்கான கதையாகத்தான் டைட்டானிக் இருக்கிறது. ஆனால் திரைக்கதையில் காமெடி, கலகலப்பு, சுவாரஸ்யத்தை இன்னும் அதிகமாக ஏற்படுத்தி இருந்தால் படம் பெரிய வெற்றி பெற்றிருக்கும். படத்தின் நாயகர்கள், தங்கள் காதலிகளை விட்டதுப் போல, பெரிய வெற்றி டைரக்டருக்கு கைநழுவி போயிருக்கிறது. இருந்தாலும், ரசிக்க முடிகிறது பல காட்சிகளை…
-ராமு சரவணா
Comments are closed.