OM ( OPERATION MOLE ) -திரை விமர்சனம்
அரசியலில் இறங்க தனுஷ் முடிவு செய்த பின், அவருக்கு Build Up-ஆன படங்கள் நடிப்பதுதான் சரி. அந்த வகையில், தனுஷ் அரசியல் வருகைக்கு OM ( OPERATION MOLE )படம் எந்த அளவிளாவது உதவுமா… படத்தின் விமர்சனத்தை பார்க்கலாம்.
ஷ்ரதா அகர்வால், தனுஷ், அஜ்மட் தயாரிப்பில் ராஜ்குமார் பெரியசாமி இயக்கத்தில் தனுஷ், மம்முட்டி, சாய்பல்லவி, ஸ்ரீலீலா, இந்திரன்ஸ் நடித்துள்ளனர். ‘ அமரன் ‘ மாபெரும் வெற்றி படத்தை கொடுத்திருந்த ராஜ்குமார் பெரியசாமியின் படம் என்பதால், படத்தின் மீது எதிர்பார்ப்பு அதிகமாகவே இருந்தது. சாய் அபயங்கரின் இசையும், எழிலரசுவின் ஒளிப்பதிவும் படத்திற்கு சப்போர்ட்டாகவே இருக்கிறது.
படத்தின் கதை என்னன்னு பாத்தீங்கன்னா, ரெட் ஹில்ஸ் பகுதியில் பெரும்புள்ளியாக, மனைவி ரேணுதேசாயுடன் வாழ்ந்து வருகிறார், பர்மா கார்த்திகேயன் ( மம்முட்டி ). பெரிய அளவில் செம்மர கடத்தல் செய்து வருகிறார். துபாயில் வசிக்கும் நஸ்ருதீன் ஷா..தான் அவருக்கு பாஸ் போன்றவர். ரெட் ஹில்ஸில் அங்காள பரமேஸ்வரி கோவில் திருவிழாவில் மம்மூட்டியை கொல்ல வரும் கும்பலிடமிருந்து, ஃபோட்டோகிராபர் திருக்குமரன் ( தனுஷ் )சண்டை போட்டு மம்மூட்டியை காப்பாற்றுகிறார். மம்மூட்டியிடம் நல்ல மதிப்பு பெறுகிறார்.
அவருடைய மனைவி ரேணுதசாய், “திருக்குமரன் நமக்கே ஸ்பெஷல் ஃபோட்டோகிராஃபராக இருக்கட்டும்” என்று சொல்ல, மம்முட்டியும் தம்பி மாதிரி கூடவே வைத்துக் கொள்கிறார்.
திருக்குமரன் தனுஷுக்கு திருமணம் ஆகி, மனைவி ஶ்ரீலீலா, 5 வயது மகன், அப்பா இந்திரன்ஸ்- இவர்களுடன் திருவண்ணாமலையில் கோயில் அருகிலேயே வீடு. அங்கே வசிக்கிறார். அவன் ஏன் ரெட் ஹில்ஸ் பகுதிக்கு வர வேண்டும். எல்லாம் விஷயமாகத்தான்..
செம்மர கடத்தல் குழுவை ஒட்டுமொத்தமாக பிடிக்கும் தடுப்பு பிரிவிற்கு, சிறப்பு காவல் அதிகாரியாக அப்பாயிண்ட்மெண்ட் ஆகியிருக்கிறார் நித்யா ரெட்டி ( சாய்பல்லவி ). துடிப்பான போலீஸ் அதிகாரி அவர். அதற்காக OM ( OPERATION MOLE ) என்கிற ஆபரேஷனை தொடங்குகிறார். தீவிரவாதிகளால் கொல்லப்பட்டவர், போலீஸ் அதிகாரியான நித்யா ரெட்டியின் அப்பா. கல்யாணம் ஆகி மூன்றே நாட்களில் போலீஸ்காரரான கணவரை இழந்தவர், தீவிரவாதிகளின் தாக்குதலினால்.
நித்யா ரெட்டி (சாய்பல்லவி)யின் குழுவுக்கு ரகசிய காவல் அதிகாரி பழனி (தனுஷை), மேலதிகாரி பணிபுரிய சொல்கிறார்.
பழனி என்ற பெயருடைய தனுஷ்தான் ரெட் ஹில்ஸ் பகுதியில் போட்டோகிராபராக இருக்கும் திருக்குமரன் தனுஷ்ஷும். மம்முட்டியிடம் உளவாளியாகத்தான் தனுஷ் செல்கிறார். பர்மா கார்த்திகேயன் மம்மூட்டியிடமிருந்து தகவல்களையும், ஆதாரங்களையும் Catch செய்யத்தான் அனுப்பி வைக்கப்படுகிறார். அவரால் சில தகவல்களும் சாய் பல்லவி கிடைத்து, ஆபரேஷன் வேகம் எடுக்கிறது. இந்த நிலையில் அதிரடிப்படையினரின் செயலால் தனது தந்தையையே திருக்குமரன் இழக்க நேரிடுகிறது. அது ஒருபுறம் தனுஷுக்கு தடுமாற்றத்தை ஏற்படுத்தினாலும், சாய் பல்லவியின் OPERATION MOLE-ல் எந்த அளவுக்கு அவரால் பயணித்து உதவிட முடிந்ததா என்பது கதை.
தனுஷுக்கு படத்தில் ஹீரோயிசம் குறைவாக இருப்பது, கெட்ட செயல் செய்யும் மம்மூட்டியை ரொம்ப கெட்டவராக காட்டாமல், நல்ல இமேஜுடன் காண்பித்திருப்பது கதையை தடுமாற வைத்துவிட்டது. தனுஷ், மம்மூட்டியை விட சாய் பல்லவிக்கு ஸ்கோர் பண்ணும் விதத்தில் கேரக்டர். படம் ஆரம்பிக்கும் போது வெற்றிமாறன் படம் போல இருக்கும் என நினைத்து பார்த்தால் கொஞ்சம் மிஸ் ஆகிவிட்டது, இந்த OM.
-ராமு சரவணா
Comments are closed.