‘ AGAYATHIL ORU THARAGAI ‘-MOVIE REVIEW

‘ ஆகாயத்தில் ஒரு தாரகை-திரை விமர்சனம்

‘.மலையாள ‘ மெகா ஸ்டார் ‘ மம்முட்டியின் மகன் துல்கர் சல்மான் ஹீரோவாக அறிமுகமாகி 14 வருடங்கள் ஆகிறது. மலையாளத்தில் அறிமுகம் ஆகியிருந்தாலும் மலையாளம், தமிழ், தெலுங்கு, ஹிந்தி என்று நான்கு மொழியில் 40 படங்களுக்கு மேல் நடித்திருக்கிறார்.

தமிழில் மனி ரத்னம் இயக்கத்தில் ‘ ஓ காதல் கண்மணி ‘, தெலுங்கு ‘ மகாநதி ‘, ‘ கண்ணும் கண்ணும் கொள்ளையடித்தால் ‘,’ காந்தா ‘, ‘சீதாராமம் ‘, ‘ லக்கி பாஸ்கர் ‘ படங்கள் இதில் முக்கியமானது. அவர் நடிப்பில் இப்போது வந்திருக்கும் ‘ஆகாயத்தில் ஒரு தாரகை’ தெலுங்கில் ‘ஆகாசம்லோ ஒரு தாரா’ படத்தின் தமிழ் Version-தான் இது.

தெலுங்கில் புகழ்பெற்ற பட நிறுவனம் ‘ கீதா ஆர்ட்ஸ் ‘, ‘ சொப்னா சினிமா ‘, ‘ லைட் பாக்ஸ் மீடியா ‘ சந்தீப் குண்ணம், ரம்யா தயாரிப்பில் பவன் சதினேனி இயக்கத்தில் வெளிவந்திருக்கும் படம் இது. ஜி.வி. பிரகாஷ் குமார் இசையமைத்தும், சுஜித் சாரஸ் ஒளிப்பதிவு செய்தும் இருக்கிறார்கள்.

துல்கர் சல்மான் ஹீரோவாகவும், சாத்விகா ஹீரோயினாகவும் நடித்திருக்கிறார்கள். ரோகிணி கரியப்பா என்னும் Scientist கேரக்டரில் சுருதிஹாசன் நடித்திருக்கிறார். நாசர்,கௌதம் வாசுதேவ மேனன், சின்னி ஜெயந்த், சுவாசிகா- இவர்கள் தவிர ஏராளமான தெலுங்கு நடிகர்கள் நடித்துள்ளனர்.

படத்தில் கதை என்னன்னு பார்த்தீங்கன்னா, கிராமம் ஒன்றில் பள்ளியில் படிக்கும் காலத்திலிருந்து தான் விண் வெளி வீராங்கணை ஆக வேண்டும் என்று கனவோடு படித்து வருகிறாள் சிறுமி கல்பனா. அவளது அப்பா, ஒரு குடிகாரர். சிறுமியையும் அம்மாவையும் அடித்து, உதித்து மிரட்டி வைத்திருக்கிறார். மகள் படிப்பதில் விருப்பமே இல்லாத அப்பா.

அவள் பத்தாம் வகுப்பு பரீட்சை எழுதிய மறுநாளே துல்கர் சன்மானுக்கும், அவளுக்கும் திருமணம் செய்து வைத்து விடுகிறார். முதல் இரவின் போது தான், ‘அவளுக்கு 16 வயதுதான் ஆகிறது, திருமணத்தில் அவளுக்கு விருப்பமே இல்லை. ASTRONAUT படிக்கும் ஆர்வத்தில் இருக்கிறாள்’ என்பதை தெரிந்து கொள்கிறார்
துல்கர் சல்மான். அவர்களுக்குள் முதல் இரவு நடக்கவில்லை. தனியாக படுத்து கொள்கிறார். அவள் விருப்பப்படி விண்வெளி படிப்பை படிக்க வைத்து விண்வெளிக்கு அவள் போவதற்கான முயற்சிக்கு துணை நிற்பதாக உறுதியளிக்கிறார், துல்கர் சல்மான். அதன் பிறகு சூரிய வம்சம் சரத்குமார் மாதிரி மனைவி உயர்வுக்கு பக்கபலமாக இருக்கிறார். அவள் நினைத்த மாதிரி ராக்கெட்டில் விண்வெளிக்கு போக முடிந்ததா என்பது கதை.

அங்கிருந்து ஷிப்ட் ஆகி ஹைதராபாத் குஜராத் என்று போய் அவளது விருப்பம் நிறைவேற படிப்பு மற்றும் அது சம்பந்தமான துறையில் ஈடுபடுத்துகிறார், தான் ஒரு கால் டாக்ஸி டிரைவராக வேலை பார்த்துக் கொண்டே.

துல்கர் சல்மான் தனக்கு ஹீரோயிசமான கேரக்டர் வேண்டும் என்றெல்லாம் அடம் பிடிக்காமல், தனக்கான கேரக்டரை மெருகூட்டி நடித்து அப்ளாஸ் வாங்குகிறார். ஆழ்வார்பேட்டை அய்யங்காராத்துப் பெண் சாத்வீகா பிரமாதமா நடிப்பில் மிளிர்கிறார். முதல் படம் என்றே சொல்ல முடியவில்லை. முதலில் இருந்து கடைசி வரை கேரெக்டரின் தன்மைக்கேற்ற Variation தந்திருக்கிறார். துல்கர் சல்மானின் அக்காவாக சுவாசிகா. முதலில் கதாநாயகன் நாத்தனார் ஆகவும் பிறகு கல்பனா (சாத்வீகாவுக்கு) உதவி புரியும் அற்புதமான கேரக்டர். மனம் கவருகிறார்.

படத்தை பிரமாதமாக making பண்ணி இருக்கிறார், இயக்குநர். விண்வெளிக்கூடம் சம்பந்தப்பட்ட காட்சிகள் பிரமிப்பு ஏற்படுத்துகிறது. சயின்டிஸ்ட் ஆக தம் அடித்துக்கொண்டு துல்கர் சல்மானிடம் ‘சைட் அடிக்கிறியா’ என்று கேட்கும் சுருதிஹாசனுக்கு இது ஒரு மாறுபட்ட கேரக்டர் அனைவரும் பார்க்க வேண்டிய படமாக ‘ஆகாயத்தில் ஒரு தாரகை’ உள்ளது.
-ராமு சரவணா